Suportado sang Church leaders ang nangin panawagan ni Catholic Bishops’ Conference of the Philippines (CBCP) President Gilbert A. Garcera sa Senado nga umpisahan gilayon ang impeachment trial batok kay Vice President Sara Duterte-Carpio.
Sa statement nga ginpagwa sang Caritas Philippines Social Action Network, bishops, kag clergy kahapon, Mayo 17, ginpahayag nga ang anuman nga pag-atrasar sa proceedings nagakahulugan sang delay man sang hustisya sa mga Pilipino kag mismo sa Bise Presidente.
“We make this urgent appeal to not delay the trial and to convene… at the soonest possible time. To delay the trial is to delay justice for both the Filipino people and the Vice President,” suno sa Caritas Philippines SAN.
Nag-apelar man ang organisasyon nga magsunod ang Senado sa kun ano man ang nakabutang sa Konstitusyon nga mag-umpisa na gilayon sa trial kag magsunod man sa layi agud nga makapangalagad para sa kaayuhan sang mga Pilipino.
“We appeal to the members of the Senate to abide by what the Constitution directs: to proceed with the trial and … adhere to the rule of law and serve the common good in the pursuit of justice and truth,” dugang pa sa statement.
Nagpanawagan man ini sa mga Pilipino nga mag-monitor sa proceedings agud nga matib-ong ang kamatuoran kag ang integridad sang pampubliko nga diskurso sa baylo nga magpalapta sang misinformation, disinformation, kag manipulation.
Nagpanawagan man ang Church leaders nga magsuporta sa sini nga panawagan paagi sa pagbagting sang mga lingganay alas 12:00 sa udto kag alas sais sa gab-i, pagsindi sang mga kandila sa pagpangamuyo sa alas sais sa gab-i; pagpakigbahin sa discussions sa trial; kag pagpadala sang feedback sa impeachment court, sa prosecution, kag sa defense panels.
Lakip sa signatories sa statement amo ang anum ka arsobispo nga sanday: Socrates Villegas sang Lingayen-Dagupan, Victor Bendico sang Capiz, Alberto Uy sang Cebu, Midyphil Billones sang Jaro Iloilo, Jose Cabantan sang Cagayan de Oro kag emeritus Cebu Archbishop Jose Palma.
May 36 bishops kag duha ka diocesan administrators nga nagpirma man sa amo nga statement.
Nahibaluan nga ang Caritas Philippines amo ang social action arm sang CBCP kag nagaserbe nga nationwide network sang Simbahan para sa humanitarian, justice, kag social advocacy programs.
Alas tres karon sa hapon maga-convene ang Senado bilang impeachment court santo sa anunsyo ni Senate President Alan Peter Cayetano.#
