Gin-anunsyo ni President Ferdinand Marcos Jr ang pagpatuman sang P10 kada litro nga buhin sa presyo sang krudo para sa mga public utility vehicle (PUV).
Ginpahayag sang Presidente nga suguran ang amo nga programa sa National Capital Region sa masunod nga semana kag amat-amaton nga ipatuman sa bug-os nga pungsod.
Luyag sang amo nga tikang nga mapanubo indi lamang ang gasto sa transportasyon kundi mapunggan man ang pagsaka sang presyo sang pagkaon kag iban pa nga mga nagapanguna nga balaklon.
Ginpahayag man sang Presidente nga ipatuman ang fuel subsidy sa mga lehitimo nga gasolinahan nga aprubado kag ginamonitor sang Department of Energy agud masiguro nga indi ini maabuso.
Ginkumpirma man si President Ferdinand Marcos Jr. nga ipatuman sang Department of Transportation ang service contracting program sa public utility vehicles umpisa sa Abril 15.
Sa idalom sa sini nga prgrama, pagabayaran sang gobyerno ang mga operator kag driver sang P40 tubtob P100 kada kilometro.
Suno sa Presidente, may yara man sang indi magnubo sa 20% nga diskwento ang mga commuter.
Sakup sang programa ang ginabulubanta nga 50,000 ka public utility vehicles, 1,000 ka operators, kag ginablubanta nga 15 milyones ka mga pasahero sa bug-os nga pungsod.
Tutukan sini ang mga ruta nga konektado sa tren kag mga nagapanguna nga mga ruta sang bus agud mapaayo ang dalagan sang biyahe.
Ipatuman ang programa sa off-peak hours agud masigurado nga may sakyan gihapon bisan indi rush hour.
Butangan man sang GPS monitoring ang mga salakyan agud masiguro ang husto kag aktuwal nga serbisyo ang ginahatag.
