Napaslawan ang Sandiganbayan Third Division nga may makit-an nga flood control projects sa Pandi, Bulacan nga ginpatigayon ni Senator Bong Revilla.
Ini apisar nga nagwa sa report nga 95% na nga tapos ang proyekto.
Sa pag-inspeksyon sang Sandiganbayan Third Division sa koordinasyon man sa Department of Public Works and Highways (DPWH) 1st District Engineering Office, imbes nga istruktura, pampang sang suba nga natabunan sang madamo nga hilamon kag tanom ang ila nakita.
Ang proyekto nga nagabalor sang ₱92.8 milyon.
Suno sa mga piskal, ginapabaskog sini ang ila alegasyon nga isa ini ka “ghost project” bangod kulang ini sang mga importante nga bahin kaangay sang pader kag iban pa nga flood control features.
Ang proyekto ang kabahin sang kaso nga graft kag malversation batok kay anay Senador Bong Revilla kag sa iya mga kaupod nga akusado.
Apang ginpahayag sang iya kampo nga wala ini sang kahilabtanan sa proyekto kag wala sang dokumento nga makakonektar sa iya sini.
Sa imbestigasyon, ginpahayag man nga ang mga natukiban makabulig sa pagpabaskog sang kaso sang prosekusyon samtang padayon ang hearing.
