Nagsugtanay ang Israel kag ang Lebanon sa 10 ka adlaw nga ceasefire.
Ginpatuman na ini epektibo subong nga adlaw.
Nalab-ot nanday Israeli prime minister Benjamin Netanyahu and Lebanese president Joseph Aoun ang kasugtanan matapos ang diskusyon kaupod kay US President Donald Trump.
Suno kay Trump, gin-imbitar sini ang duha ka lider sa White House para nga maka-istoryahanay.
Gin-abi-abi ni Aoun ang agreement, samtang gintawag naman ni Netanyahu ini nga kasugtanan bilang maragtason nga oportunidad para sa kalinong sa Middle East.
Nahibaluan nga ang gyera sa Iran naglapta tubtub sa Lebanon sang nag-atake ang grupo nga Hezbollah batok sa Israel sang Marso 2 bilang ila suporta sa Tehran.
Naakig ang Israel kag naglunsar sang ground invasion sa southern Lebanon.
Masobra sa 2,100 ang napatay sa Lebanon halin sang Marso 2 kag masobra 1.2 million naman ang nagtal-as halin sa ila mga puluy-an bangud sa amo nga gyera.
