Duwa ang patay kag 35 naman ang pilason matapos nahulog sa pil-as ang isa ka bus sa Barangay Silangang Malicboy, Pagbilao, Quezon.
Ang mga napatay amo sanday Sonny, 34-anyos, kag Ian, 31-anyos.
Pakadto sa Metro Manila ang bus sang natabo ang aksidente.
Ginpahayag nga nadulaan sang kontrol sa manibela ang driver sang bus nga may nakasakay nga 41 ka pasahero kag nahulog ini sa pil-as nga may kadalumon nga 10 metros.
Gilayon naman nga nagresponde ang mga otoridad kag rescue units agud masalbar ang mga biktima nga naipit sa sulod sang bus.
Nabugtuan naman sang ginhawa sanday Sonny kag Ian samtang padulong pa lang sa ospital.
Padayon pa nga ginaimbestigahan ang aksidente.
