Nabiktima sang pagpangholdap ang isa ka online seller matapos nagmeet-up sa iya customer sa Antipolo City.
Suno sa pulis, natabo ang insidente sa isa ka resort sa Taktak Road sa Brgy. Sta. Cruz.
Nakigkita ang mga biktima sa mga suspek matapos nag-order online sang mga alahas.
Gindala sang suspek nga customer ang online seller kag ang isa niya ka upod sa kwarto sa resort para maistorya ang “boss” sang nagpakilala nga buyer.
Apang pagsulod sa kwarto, didto na nagdeklarar sang holdap ang mga suspek nga may mga pusil kag gin-gapos ang mga biktima.
Gintaban sang mga suspek ang mga alahas kag kwarta kag nalagyo.
Natigayon naman nga makagwa sa kwarto ang mga biktima kag naka-report sa kapulisan.
Padayon pa ang imbestigasyon sa insidente.
