Posible nga magnubo ang electricity bill sa pagsugod sang bulan sang Nobyembre.
Ini bangud sa pagkuha sang 12% VAT sa system loss charge.
Suno sa Energy Regulatory Commission ukon ERC, target nga ma-apply ini sa kuryente nga nakonsumo sang Oktubre.
Nahibaluan nga sa bag-o nga patakaran sang Bureau of Internal Revenue (BIR), indi na pag-ilakip ang VAT sa system loss charge nga yara sa sulod sang limit nga gin-set sang ERC bangud ginakabig ini nga government-mandated pass-through cost.
Ginalauman nga P20 tubtob P30 ang posible nga mabuhin sa bill nga VAT component sang system loss charge sa mga household depende sa na-consume sang mga ini nga kuryente.
