Naglab-ot na sa 52 ka mga barangay ang apektado sang ashfall matapos ang paguwa sang uson ukon pyroclastic density current (PDC) sa Bulkan Mayon kahapon nga adlaw, Mayo 2, suno sa Office of Civil Defense.
Suno sa OCD, nagapadayun gid ang ila koordinasyon sa mga Local Government Units agud nga makapanagtag sang facemasks kag iban pa mga kinahanglanun sang mga residente subong nga aktibo pa sa gihapon ang Bulkan.
Ginpahayag man sang Philippine Institute of Volcanology and Seismology nga madamo na nga mga lugar ang apektado sang ashfall nga may dala nga malain nga epekto sa ikaayong lawas sang mga residente.
Sa subong, nagapabilin ang Bulkan Mayon sa Alert Level 3 matapos ini nga nagsugod sa pag-alburuto sang Enero 6, 2026.
 sa Bulkan Mayon kahapon nga adlaw, Mayo 2, suno sa Office of Civil Defense.){kind=link}