Diutayan lang kutani nasumbagan ni Leyte 4th District Representative Richard Gomez si Batangas 1st District Rep. Leandro Leviste bangud sa mga ginpangbuy-an sini nga mga pahayag kag akusasyon batok sa mga kaangay nga mamalidha kag ang nangin aktwasyon sini sa plenaryo sa kamara kahapon.
Sa privilege speech ni Leviste kahapon, gin-akusahan niy ang iban nga mga kongresista nga nagbakal sang boto sang nakaligad nga eleksyon.
Gin-inakusahan man ni Leviste si Executive Secretaty Ralph Recto nga nagbaton sang P2 billion pesos halin sa CWS (Construction Workers Solidarity) Partylist Rep. Edwin Gardiola agud pondohan ang kampanya sang iya nga asawa nga si Batangas Gov. Vilma Santos-Recto kag anak ni Santos nga si vice Gubernatorial bet Luis Manzano.
Sa interview sang Bombo Radyo kay House Deputy Speaker kag Iloilo 1st District Rep. Janette Garin, iya ginpahayag nga ang natabo kahapon ang nagapakita nga masyado pa ka bata si Leviste kag indi pa sini mahibaluan kun paano mag-uyat sang sitwasyon.
Mungkahi ni Garin kay Leviste nga bag-o magpagwa sang pahaya, magtipon anay sang ebidensya agud indi ini mahuy-an sa atubang sang iban nga myembro sang kamara.
