Ginduso ni ML Party-list Rep. Leila de Lima ang hagna agud nga sukton kada tuig sang ultra-wealth tax ang mga bilyonaryo sa Pilipinas.
Sa House Bill No. 9274 ukon ang proposed “Ultra-Wealth Tax Act”, ginaproponer nga amyendaran ang pila ka probisyon sang National Internal Revenue Code of 1997.
Pahayag ni De Lima, nakaandan na nga ang mga pigado pa kag ang middle class ang naga-abaga sang balayran sa buwis.
“Government interventions are therefore necessary to address the rising gap in inequality brought about by massive economic disruptions, coupled with systemic failures, including having a regressive taxation system,” kabahin sang statement nga iya ginpagwa, Mayo 31.
Sa idalom sang ginaduso nga hagna, ang rates sang ultra-wealth tax amo ang masunod: 1% sa manggad nga sobra sa P1 billion; 2% sa manggad nga sobra sa P2 billion, kag 3% sa manggad nga sobra sa P3 billion.
Ang buwis nga makuha diri ang paga-gamiton para sa public health services, education, local government support fund, social protection and employment, kag housing.
“To truly promote social justice and help those in need, we must give our fair share. Isulong ang makatarungan at inklusibong pagbubuwis at gamitin ang pondo ng bayan sa epektibong mga programa at serbisyo na may tunay na pakinabang sa ating mga kababayan,” dugang sang kongresista.
Matandaan nga ginproponer na anay ni former National Economic Development Authority (NEDA) secretary Winnie Monsod ang wealth tax kasunod sang tension sa Middle East.
Nagsabat man anay ang Malacañang nga ginakonsiderar ang tanan nga suhestyon, apang ginplastar man anay sang Palasyo nga mangin ang mga pungsod sa Europa ang nagbasura na sang ila polisa kaangot sa wealth tax bangud sa kabudlay kag manubo nga revenue nga natipon.
