Gin-postpone sang Sandiganbayan Second Division ang arraignment sang graft cases batok kanday Sen. Jinggoy Estrada kag former Public Works Secretary Manuel Bonoan.
Ini nga postponement ang bangud sa pending legal motions kag medical concerns nga ginpalab-ot sa korte.
Ang kaso sang duha ang naangot sa ginaalegar anomaliya sa flood control projects balor ₱573 million.
Nahibaluan nga nag-file na sang pila ka mosyon ang kampo ni Estrada lakip na ang omnibus motion to quash information kag motion for reinvestigation, nga nagapangabay sa korte nga i-resolve ini nga nga mga isyu antes ang pag-proceed sa arraignment.
Sa bahin naman ni Bonoan, gintumod nila ang ikaayong lawas sini kun sa diin suno sa iya kampo, nagasuprir ini sang hypertension.
Sa pagpadulong ni Bonoan sa Sandiganbayan subong nga hapon, nagasakay ini sa wheelchair.
Ginkuhaan man ini sang blood pressure sang mga medical personnel.
Nagpadulong naman si Jinggoy sa Sandiganbayan nga nagasuksok sang yellow nga PDL uniform kag nakaposas.
Ang arraignment para sa kaso nanday Estrada kag Bonoan ang patigayunon sa Huwebes sang hapon.
