Ginlutos sang South Korea ang Czechia, 2-1, sa ikaduha nga matchup sa una nga adlaw sang FIFA World Cup 2026 sa Mexico.
Pareho nga wala naka-skor ang duha ka teams sa first half, apang nakuha sang Czechia ang lead sa ika-59 nga minuto paagi sa header sang ila captain nga si Ladislav Krejci.
Napatas sang South Koreans ang score sa 67th minute paagi kay Hwang In-beom antes ginpasundan ni Oh Hyeon-gyu sang decisive strike sa ika-80 nga minuto.
Nagapang-25 sa FIFA ranking ang South Korea sa pagpanguna sang star forward nga si Son Heung-min. Ini naman ang una nga appearance sang Czechs sa World Cup halin sang 2006. Rank 38 sila sa FIFA.
Antes sini nga hampang, naghilinugyaw ang Mexicans matapos nga nakuha sang host country ang dominant 2-0 victory batok sa South Africa nga nakabaton naman sang duha ka red cards.
Pareho na nga may tres puntos ang Mexico kag ang South Korea sa Group A apang nagapangaduha lamang ang South Koreans bangud sa goal difference.
Sa masunod nga round sang Group A matches sa Hunyo 18, atubangon sang Mexico ang South Korea samtang magahampang naman ang Czechia batok sa South Africa.
Ang top two teams sa kada 12 ka grupo — upod ang walo ka best third-placed teams — amo ang maga-abante sa knockouts.#
