Nagpaguwa sang video statement ang babaye nga nagpakilala nga asawa ni Ateneo de Manila University men’s basketball team head Coach Tab Baldwin.
Ini kasunod sang kamatayon sang duha ka student-athletes nga gina-handle ni Baldwin nga sanday Rene Baterbonia kag Divine Adili kasunod sang drowning incident sa ila team-building activity sa Auroa.
Sa gin-upload nga video sang barrister kag nagaserbi nga legal counsel ni Efi Kalogirou nga si Tudor Clee sa iya “X” account sini nga Sabado, Hunyo 13, makita nga nagsiling si Efi nga nagpakasal sila ni Coach Tab sang 2011 kag napilitan siya, upod ang iya mga kabataan, sang 2020 nga magpalayo sa iya bana agud mangin safe sila.
Wala man ginpahayag ni Efi ang rason kun ngaa daw nalab-ot sa peligro ang ila kaluwasan kon kaupod ang iya estranged husband.
Suno kay Efi, nakita niya ang ginpaguwa nga pahayag ni Coach Tab kaangot sa natabo nga insidente sang pagkalumos nanday Baterbonia kag Adili, apang gusto niya nga klaruhon nga wala na sang relasyon ukon koneksyon si Tab sa iya kag sa ila mga kabataan.
“I wanna make sure that he doesn’t represent me or my kids,” siling niya.
Diri kag ginbalikan na sini ang iya warning anay sa unibersidad.
“At the time, I repeatedly told the Ateneo University that children are not safe around him, and it was their duty to remove him. I urged them to move him away from the university campus and they proceeded to launch a campaign of intimidation and silencing,” suno kay Efi.
Dugang niya: “Rovelyn and Elias, the death of your kids were not only predictable but preventable. The bodies of your kids are still warm and he’s talking about moving on, that’s terrible.”
Gin-engganyo man sini ang publiko nga padayon nga kwestyunon kun ngaa ginpasugtan pa nga mag-coach si Baldwin sa mga atleta apisar sang iya nauna na nga warning.
Kasunod sini nga statement, nagsabat man ang bata ni Baldwin.
“[Epok Quimpo], remember laughing at mom? Now you have two funerals to explain,” mensahe pa sang anak ni Baldwin kay team manager Epok Quimpo.
Pareho sanday Quimpo kag Baldwin nga naka-leave subong samtang padayon ang imbestigasyon sa trahedya.
