Nakalabay na sa Strait of Hormuz ang tatlo ka supertankers nga may anum ka million nga barrels sang krudo.
Natabo ini inoras matapos nga ginpirmahan ni US President Donald Trump kag sang Iran ang kasugtanan agud nga tapuson na ang gyera.
Sandig sa reports, ginapanag-iyahan ini sang Saudi Arabian shipping group nga Bahri apang wala pa sila nakapagwa sang official statement.
Sa inisyal nga impormasyon, may tatlo pa ka separado nga crude tankers nga ginakargahan sa pantalan sang Fujairah sa United Arab Emirates, samtang may duha naman nga pakadto sa Europa nga may mga karga.
Ini ang labing-una nga tion sa 110 ka adlaw nga nakalabay sa Strait ang mga barko nga ginapanag-iyahan sang dalagku nga mga kumpaniya.
Ang Strait of Hormuz amo ang alagyan sang daku nga suplay sang oil kag natural gas nga gina-suplay sa kalibutan. Sang nagsirado ini bangud sa gyera sa Iran, nagtuga ini sang energy crisis lakip na diri sa Pilipinas, isa ka net importer sang langis, kun sa diin gilayon nga nagpanglakaak ang presyo sang oil products.#
