Nag-abante na ang defending champions nga Argentina sa Round of 32 sang FIFA World Cup 2026 matapos ginlutos ang Austria, 2-0, sa group match nga nagtakop 3:00 subong nga kaagahon – Philippine Time.
Lunsay ang 38-anyos nga superstar kag captain nga si Lionel Messi ang naka-goal para sa Argentine team, duha ka adlaw lang antes ang iya ika-39 nga kaadlawan.
Maragtason man ini nga hampang nga nagbutang kay Messi bilang topscorer sa World Cup history nga may 18 na ka goals nga lapaw na kay Miroslav Klose sang Germany nga may 16 goals.
Sa ika-siyam nga minuto sang hampang, napaslawan nga maka-goal si Messi via penalty apang gilayon ini nga nagbawi antes matapos ang first half kag nahimo nga 1-0 ang score sa ika-38 nga minuto.
Sa second-half stoppage time pa kag nasundan sini ang iya nga goal.
Ini nga eight-time Ballon d’Or award winner amo man ang naka-goal sang tatlo ka beses sa 3-0 win sang reigning champion sa ila imbukada nga hampang sa group phase batok sa Algeria.
Sunod nga atubangon sang Argentina ang Jordan sa Domingo, Hunyo 28, alas dies sa aga oras sa Pilipinas. Magasambuwa naman ang Austria batok sa Algeria sa amo man nga oras kag adlaw.#
