Gin-dismiss sang Quezon City Regional Trial Court ang P1-billion civil case batok kanday former House Speaker Martin Romualdez, former Ako Bicol party-list Rep. Zaldy Co, Quezon City 5th District Rep. Patrick Michael Vargas, kag iban pa nga mga opisyal sang Department of Public Works and Highways.
Kasunod ini sang mga alegasyon nahanungod sa ila nangin dako nga involvement sa anomalous flood control project nga nangin kontrobersiya sa bilog nga pungsod.
Suno sa korte, napaslawan ang nagreklamo nga magbayad sang required filing fees.
Ang nasambit nga reklamo amo ang ginfile sang nagligad nga Disyembre 2025 ni former Quezon City councilor Antonio Enrile Inton Jr. sang United People’s Against Corruption (UPAC).
Nahibaluan nga nadesisyunan ang nasambit nga kaso sang nagligad pa nga Abril 15, 2026, apang ginsapubliko lamang ini subong nga Hunyo 29.
