Ginmanduan sang Philippine National Police ang ila mga personnel nga mangin responsable sa paghalong sang ila mga armas, ilabi na kon wala sila sa duty kag yara sa ila mga balay.
Suno kay PNP Chief Gen. Jose Melencio Nartatez Jr., kinahanglan nga siguraduhon nga ang mga armas nahamtang sa safe nga lugar kag indi maabot sang mga kabataan ukon sang iban nga tawo.
Kasunod ini sang duha ka separado nga insidente sang pagpangluthang sa mga eskwelahan sa sulod lamang sang halos duha ka bulan.
Sa matandaan nga sang bulan sang Hunyo, tatlo ka estudyante ang napatay sa isa ka school shooting sa Tacloban City.
Samtang sang nagligad lang nga semana duha ka estudyante lakip na ang gunman sa Ateneo de Zamboanga University.
Sa sini nga duha ka insidente, ginpahayag nga gin-gamit sang mga menor de edad ang service-issued firearms nga ila nakuha halin sa ila mga parte sang pamilya.
Ginpanugyanan man sang PNP ang mga police commander nga regular nga magpahanumdom sa ila mga personnel sa husto nga paghalong sang armas kag sa ila responsibilidad sa tion sang unit briefing kag formation.
Nahibaluan nga sa Agosto 25 magapatigayon sang nationwide school safety drills ang Department of Education kaupod man ang Philippine National Police.
