Maga-deploy ang Iloilo City Police Office ukon ICPO sang kapin 100 ka kapulisan para sa palaabuton nga 2026 BAR Examination.
Diri sa syudad sang Iloilo patigayunon ini sa Central Philippine University sa Setyembre 6, 9, kag 13.
Sa interview sang Bombo Radyo kay Pcol Wilbert Parilla, City Director sa ICPO, iya ginpahayag nga nakahanda na ang ila nga security operations para sa Bar examination.
Suno kay Parilla, maga-umpisa ang ila nga operasyon sa pagsarado sang dalan ala una sang kaagahon tubtob alas siete sa aga sa palibot sang Central Philippine University bilang kabahin sang ila nga security measures.
Pahayag pa ni Parilla, wala man sila sang nakita nga problema bangud nakahanda na ang security arrangements.
Dugang pa diri, nakapatigayon na sila sang final coordinating conference kaupod ang Supreme Court bilang kabahin sang ila nga pagpanghanda para sa 2026 Bar Examinations.
