Gin-athag sang head sang Local Economic and Enterprise Office ukon LEEO nga si Maricel Mabaquaio nga may ara sang nabayolar nga ordinansa ang manugbaligya sang talaba kahapon nga adlaw, Setyembre 4.
Ini kasunod sang ginpa-Bombo sang isa ka manugbaligya sang talaba nga ginkuha sang personnel sang Local Economic and Enterprise Office ang iya baligya sa Jalandoni Street, malapit sa Iloilo Terminal Public Market.
Sa interview sang Bombo Radyo kay Mabaquaio, iya ginpahayag nga klaro nga nahamtang ang talaba sa sidewalk kag naka-obstruct ini sa dalan rason nga ila lang nga ginpatuman ang ila nga dapat himuon.
Suno pa sa iya nga ginsingganan naman sang personnel sang LEEO ang manugbaligya, apang nakatulogan ini kag ginapahayag nga nakainom ini sang makahulubog nga ilimnon.
Bangud diri, ginkuha ang isa ka sako nga talaba kag gindala sa Balay Dalayunan.
Pahayag pa ni Mabaquiao, may ara sila sang ordinansa nga indi na pag-ibalik ang ila ginakuha bangud sa violations.
Suno pa sa iya nga ordinansa ini nga dapat sundon gani nga ginkuha ang ila nga baligya.
Samtang, ginpunto naman ni Mabaquiao nga padayon sila nga nagapatuman sang ila nga obligasyon kag katungdanan sang clearing team ang pagkuha sang mga naga-obstruct sa dalan.
