Ginpaathag sang Criminal Investigation and Detection Group (CIDG) nga gintung-tungan lamang sang orange detainee shirt si anay House Speaker Martin Romualdez sang ginserbehan sang arrest warrant.
Suno kay CIDG-NCR chief P/Col. John Guiagui, sang ginkadtuan ang former Speaker sa Cardinal Santos Medical Center sa San Juan City subong nga gab-i, indi na ini mapilit nga mapatindog bangud nga madamo nga apparatus ang nakatakod sa iya nga lawas.
Bangud sini, makit-an sa pictures nga ginabasahan ini sang iya kinamatarong samtang nagahigda sa hospital bed kag nakatungtong lang ang shirt nga para sa isa ka Person Deprived of Liberty.
“Napatungan sa ngayon (ng orange shirt) dahil nga hindi naman namin pwede tanggalin ‘yung mga aparto niya para lang ilagay ‘yung t-shirt,” suno kay Guiagui.
“Pictures na lang muna kasi hindi namin maitayo siya… But… nandito ‘yung sheriff ng 3rd Division para i-check na talagang nasa hospital siya and… kung ano talagang medical condition niya,” suno sa pulis.
Pahayag pa ni Guiagui, ibalik sang CIDG sa Sandiganbayan sa Martes sang aga ang arrest warrant, kaupod ang report parte sa medical condition sang anay House Speaker.
May kaangtanan ini sa P7.4-billion nga plunder case nga ginpasaka sang Office of the Ombudsman batok kay Romualdez bangud sa ginapahayag nga kickback sa mga flood control kag iban pa nga proyekto sang gobyerno.
Kaupod ni Romualdez sa kaso si anay House Appropriations Committee chairperson kag resigned Ako Bicol party-list Representative Zaldy Co, ang personal aide ni Romualdez kag ang presidente sang isa ka foreign exchange corporation.
Si Co, suno sa CIDG, yara gihapon sa gwa sang pungsod kag wala pa nadakpan. Samtang, ang duha pa ka akusado wala pa nagpakita sang intensyon nga magsungka sa awtoridad.#
