Ginpasiguro ni Department of the Interior and Local Government (DILG) Secretary Jonvic Remulla nga indi makapanago sa likod sang iya manggad si former House Speaker Martin Romualdez.
Ini ang pasalig sang tiglikom matapos nga ginserbehan sang arrest warrant si Romualdez sa Cardinal Santos Medical Center sa San Juan City kagab-i kaangot sa kaso sini nga plunder.
“We assure you, he cannot hide behind his wealth. Kahit gaano kayaman siya, hindi niya kayang bayaran ang batas para sa magandang lugar lang. Dadalhin naman siya sa Payatas sa tamang panahon kung sabihin ng doctor na kaya na,” suno kay Remulla.
Dugang niya, temporaryo lamang sa ospital si Romualdez, bangud sa pagkamatuod, nagahulat na sa iya ang kwarto sa presuhan.
“Hindi to permanent situation. Ang kuwarto niya sa Payatas ay naghihintay na. Kung sabihin man ng korte na dalhin siya ay naghihintay na ang kwarto niya sa Payatas. Patas ang laban dito,” suno kay Remulla.
Ang ginatumod sini nga pasilidad amo ang New Quezon City Jail Male Dormitory sa Payatas, Quezon City nga nangin designated detention center para sa mga indibidwal nga na-implicate sa government flood control infrastructure scandal.
Lakip sa high-profile political figures nga nabutang diri amo si former Senator Ramon “Bong” Revilla Jr. nga nakagwa man sang damlag lang bangud gintugutan nga makapyansa.
Nahibaluan nga nag-file sang motion ang kampo sang former speaker kag nagapanindugan nga magpabilin sa ospital bangud sang madamo nga balatian kaangay sang coronary artery disease, unstable angina, cerebrovascular ischemic disease, Type 2 diabetes, hypertension, kag iban pa.
Kahapon, Septyembre 7, sang ginpasaka sang Office of the Ombudsman sa Sandiganbayan ang kaso batok kay Romualdez bangud sang alegasyon nga nakabaton siya sang P7.44-billion nga kickback halin sa mga flood control, infrastructure kag iban pa nga proyekto sang gobyerno halin 2022 tubtob 2025.#
