Nagpromisa si Department of the Interior and Local Government (DILG) Secretary Jonvic Remulla nga pasabton sini ang tanan nga mga kurap sa Pilipinas.
Ini ang mismo ginpahayag ni Secretary Remulla matapos nga nagbisita ini kahapon nga adlaw sa syudad sang Iloilo.
Suno kay Remulla, una na nga gindakop sang ahensya si former House Speaker Martin Romualdez sa kaso nga plunder kun sa diin naka-hospital arrest sa subong nga mga tinion.
Apang, pahayag pa niya, umpisa pa lamang ini bangud nga indi siya mag-untat tubtob nga mapreso gid si Romualdez kag makita ang hustisya sa bilyon-bilyon nga ginkawat sini sa ginapahayag nga mga flood control projects.
Ginpromisa man ni Remulla nga sa makadali nga tion, iya na nga ‘isasauli’ ukon igabalik sa pungsod Pilipinas si former Ako Bicol Partylist Rep. Zaldy Co kag pagasiguraduhon man sini nga manabat si USWAG Ilonggo Representative Jojo Ang kag iban pa nga ginapahayag nga nagkawat sang kwarta sang Pilipinas.
Pahayag niya, indi ini mag-untat upod ang iya nga utod nga amo si Ombudsman Boying Remulla tubtob manabat ang mga dapat manabat kag makuha ang hustiya para sa mga Pilipino.
Ginpunto pa ni SILG Remulla, kun mayo ang pagdumala sang DILG, mangin mauswag man ang Pilipinas kag kun insakto ang ginahimu sang PNP kag BFP, wala na dapat sang kahadlukan ang mga Pilipino.
Ini bangud, suno sa iya, dapat may yara gid sang may manindugan agud nga matapna na ang kurapsyon sa pungsod.
Dugang pa niya, subong na ang tion sang pagbag-o sang pungsod.
 Secretary Jonvic Remulla nga pasabton sini ang tanan nga mga kurap sa Pilipinas.){kind=link}