Naghatag na sang direktiba ang Sandiganbayan Third Division nga sayluhon na sa Philippine General Hospital si former Speaker kag Leyte Rep. Martin Romualdez halin sa Cardinal Santos Medical Center subong nga adlaw alas-10 sa aga, Setyembre 12.
Sa tion nga masaylo na ini sa nasambit nga ospital, didto kag hibaluon kun nagakinahanglan ang kongresista sang hospital confinement ilabi na nga may ara ini sang ginapahayag pre-existing heart kag brain-related problems.
Base sa mga doctor sang kongresista, tuman ka delikado ang byahe para kay Romualdez bangud sa blood pressure sini nga indi estable, posibilidad nga mastroke, kag may ara man ini sang anxiety.
Suno sa abogado ni Romualdez nga si Atty. Ade Fajardo, indi “fake” ang ginabatyag sang anay house speaker.
Madumduman nga makabig na nga arestado si Romualdez bangud sa kaso sini nga Plunder nga isa ka non-bailable offense may kaangtanan sa ginaalegar kahilabtanan sini sa flood control scandal.
Nahibaluan nga base man sa ginpaguwa nga order sang Sandiganbayan, kinahanglan nga magpasa ang doctor ni Romualdez sang reports bwas nga adlaw sa korte may kaangtanan sa kondisyon sang kongresista.
