Ginbasura sang Quezon City RTC Branch 98 ang motion for inhibition nga gin-file ni Vice President Sara Duterte batok sa presiding judge sa iya kaso nga grave threats.
Ini ang ginkumpirma mismo sang counsel ni VP Sara nga si Atty. Paul Lawrence Lim.
Base sa court document, “utter lack of merit” ang rason sang pagbasura sa amo nga mosyon.
Ini nga ruling nagakahulugan nga ang judge gihapon ang magapadayon sa pag-uyat sang kaso.
Suno kay Lim, sundon nila ang direktiba sang korte kag magaobserbar sang sub judice rule.
