Ginkwestyon sang Spokesperson ni VP Sara Duterte nga si Atty. Salvador Paolo A. Panelo Jr. kon ngaa ginadebatehan pa ang sabat sa isyu sang voting threshold, kon wala man sang plano nga bag-uhon ini.
Suno kay Panelo, mahimo nga tuyo sang amo nga diskusyon nga mapanubo ang kinahanglan nga numero sang boto para sa conviction.
Mahimo suno sa iya nga nabudlayan ang prosecution nga makakuha sang 16 ka boto, gani kaangay ginapangitaan sang paagi agud mabag-o ini.
Ginpunto man sini nga dapat sundon ang gintalana sang Konstitusyon para sa conviction sa impeachment trial ni Vice President Sara Duterte agud wala na sang dako nga gamo ukon problema.
