Gin-anunsyo ni House Lead Prosecutor Gerville Luistro nga ang forensic analyst nga si Atty. Alex Cabrera amo ang katapusan nga testigo sang prosekusyon kaangot sa alegasyon sang unexplained wealth ukon ang Article II sang Articles of Impeachment.
Bangud wala na sang bribery charge batok kay Duterte, nagakahulugan ini nga siya ang katapusan nga witness sang panel para sa trial, kag magabulos na sa presentasyon ang defense.
“I wish to formally announce that Atty. Alex Cabrera is the last witness of the prosecution for unexplained wealth. Ito po ay na-manifest na din kahapon ng ating distinguished colleague, in the person of honorable Chel Diokno,” suno kay Luistro.
“Just to put clarity and to give guidance to our beloved countrymen, kay Atty. Alex Cabrera magtatapos ang presentation of evidence ng prosecution for unexplained wealth, that is Article II of the Articles of Impeachment,” dugang niya.
Lakip sa ginpresentar ni Cabrera kahapon amo nga nagdangat sa masobra P800 Million ang unexplained wealth kag undeclared assets ni Vice Pres. Sara Duterte kag sang bana sini nga si Atty. Mans Carpio kun pagabasehan ang record halin tuig 2022 tubtob 2025.
Suno sa iya, unreported ang makabig niya nga substantial amount of assets ni Duterte kag ni Carpio sa SALN sang bise presidente halin 2022, 2023, 2024, kag 2025.
Dugang niya, masobra P190 milyon ang total undeclared assets kag income ni Duterte sang 2022; masobra naman P167 milyon sang 2023; masobra P264 milyon sang tuig 2024, kag masobra P195 milyon sang 2025.
Agud masiguro nga insakto ang nangin konklusyon sang testigo, ginpamangkut sya ni House Prosecutor Rep. Chel Diokno kun posible nga may ara sang double counting ukon duplication sa ila nga nangin computation. Apang suno naman kay Cabrera, ginpasiguro nila nga insakto kag napaidalom sa maid-id nga imbestigasyon ang ila nga data antes nga ginpresentar sa impeachment court.
Kahapon, ginkumpirma man ni House prosecutor Jonathan Keith Flores nga naka-file na sila sang manifestation agud i-atras ang bribery article sa impeachment trial.
Suno kay Flores, wala na sang kinahanglan nga approval halin sa impeachment court, kundi kinahanglan lamang nga ipahibalo sa korte nga indi na magpresentar ang prosecution sang ebidensya parte sa nasambit nga article.
Dugang pa ni Flores, para sa prosecution, bastante na ang ila napresentar nga ebidensya sa tatlo ka articles sang impeachment nga nakasentro sa grave threats, confidential funds, kag ang nagapadayon subong nga amo ang unexplained wealth.#
