Na-diagnose nga may lung cancer si Pope Leo XIV matapos ang operasyon agud kuhaon ang lower lobe sang iya tuo nga baga.
Sandig sa medical bulletin nga ginbalhag sang Vatican, nakumpirma sa tests nga nga may yara sang lung adenocarcinoma ukon common form sang lung cancer ang Santo Papa.
“The surgeons removed the lower lobe of the Pope’s right lung, and tissue examined during the operation confirmed the diagnosis of “lung adenocarcinoma,” as suspected from tests conducted beforehand,” suno sa press release.
Wala naman ini naghatag sang dugang nga detaye sa recovery outlook ukon course of treatment.
Suno sa statement sang Holy See, naglawig sang 90-minutos ang operasyon kag madinalag-on kag wala sang kumplikasyon.
“The Pope was in the operating room approximately three hours, while the operation itself lasted about 90 minutes. The doctors said it was successful and there were no complications,” suno pa sa statement.
Nagbalik naman ini sa iya hulot sa Gemelli Hospital sa Roma kun sa diin siya maga-recover sa isa ka semana.
Suno sa Vatican, wala pa ginaistoryahan sang mga doktor ang chemotherapy ukon iban nga therapies damtang ginahulat ang resulta sang iban pa nga tests.
Samtang, si Cardinal Luis Antonio Tagle nga amo ang Pro-Prefect of the Dicastery for Evangelization kag newly appointed Dean sang College of Cardinals, amo ang manguna sa weekly papal audience sa St. Peter’s Square subong nga Miyerkules, Oktubre 14, samtang ara sa ospital ang Pope.#
