Ginhimo nga palangabuhian sang isa ka lalaki sa Shenzhen, China, ang pagkalot sa likod kag iban nga parte sang lawas sang mga tawo.
Ini amo ang 32-anyos nga si Zhang Xiaoqiao.
Suno kay Zhang, gintukod niya ini nga relaxation service kun sa diin nagahapa lang ang customer kag kaluton lang ini sang staff.
Nagalab-ot naman sa 300 yuan ukon kapin P2,800 kada oras ang sukot sa pagkalot.
Ginbuksan ang ila una nga branch sang Mayo sa Baoan District apang sang Septyembre, nakabukas sila sang isa pa ka branch sa Futian District.
Plano niya subong nga magbukas sang 100 branches sa bilog ngas China.
