Nagapaandam ang Department of Health (DOH) sa publiko sa pagbakal kag paggamit sang vape aerosol, matapos nakit-an sang mga eksperto nga may ara ini sang cadmium nga makabig isa ka delikado nga klase sang kemikal.
Sandig sa pahanumdom sang DOH, posible gid nga makaapekto sa ikaayong lawas ang nasambit nga kemikal ilabi na sa tul-an kag kidney sang tawo nga makatuga man sang cancer sa tion nga madugay ini nga ginagamit.
“Ang nakakatakot: hindi lang cadmium ang maaring malanghap mula sa vape. May iba pang nakalalasong kemikal tulad ng benzene, diacetyl at acrolein na maaari ding magdulot ng seryosong panganib sa kalusugan,” paandam sang ahensya.
Nagapangabay naman ang DOH nga suportaran ang ila kampanya nga mapalayo ang publiko sa paggamit sang vape products.
