Patay ang masobra 150 ka indibidwal matapos ang pagpang-atake nga natabo gamit ang drone strike sa isa ka mercado sa Abyei, Africa, isa ka rehiyon malapit sa Sudan kag South Sudan.
Naigo ang drone sa isa ka lugar malapit sa gina-imbakan sang gasolina nga nangin rason sang pagkasunog.
Ginbasol naman ni Yohanna Akol Ngor, sang Abyei administration’s caretaker information minister, ang Sudan military sa likod sang pag-atake sa Amiet Market.
Suno sa senior Sudanese military officer nga ang mga napatay amo ang RSF ukon Rapid Support Forces members kag ang pila ka indibidwal nga may kaangtanan sa fuel smuggling.
Suno sa awtoridad nga magluwas sa napatay may na-record man nga 20 ka inosente nga indbidwal lakip na ang mga may kritikal nga kondisyon
Ginpanagabay naman sang ambassador sang Sudan nga likawan ang anuman nga tikang nga pwede nga magbutang sa kapahamakan sa kabuhi ukon ginapanag-iyahan sang mga sibilyan.
Nagapanawagan man ang mga ini nga tapuson na ang mga nasambit nga akto kag ipaagi sa diplomatiko nga pamaagi ang pagpakig-istorya.
