Ginpasakaan sang malversation of public funds kag graft case sang Office of the Ombudsman ang pito ka opisyal sang Department of Public Works and Highways Region XII.
May kaangtanan ini sa ginapahayag P491-million ‘road right of way’ scam sa General Santos City.
Sa resolusyon sang Ombudsman, nakit-an sini nga may ara sang nagakaigo nga basehan agud pasakaan sang kaso sanday DPWH Region XII Regional Director Subair Saro Diron, former Assistant Regional Director Laureano B. Suan Jr., kag iban pa.
Nag-ugat ang kaso matapos ang nangin imbestigasyon sang National Bureau of Investigation sang tuig 2018 kag 2019 kun sa diin nadakpan ang mga ini nga ginpeke lang ang mga dokumento sang 18 ka lote nga ginapahayag mangin apektado sang Digos-Makar National Road project para sa P491 milyon.
