Luyag ni Senate President Pro Tempore Vicente Sotto III nga maglunsar sang mas komprehensibo nga programa para sa mga anay preso agud mabuligan ang mga ini nga makasugod sa liwat sang palangabuhian.
Suno kay Sotto, madamo sang ex-convict nga nabudlayan nga magpangita sang trabaho, ilistaran, kag makig-angot sa ila pamilya.
Pahayag ni Sotto, paagi sa Senate Bill No. 2281 ukon “National Reintegration Act”, iduso niya ang paghatag sang suporta sa mga Persons Restored of Liberty (PRLs) paagi sa nagkalain-lain nga serbisyo gikan sa gobyerno kaangay sang halfway houses, counseling, educational assistance, employment support, kag iban pa.
Pangunahan naman sang Department of Social Welfare and Development (DSWD) ang pagpatuman sang nasambit nga mga programa kun mapasar kag mangin layi ini nga hagna.
