Ginkumpirma ni Atty. Dino de Leon, abogado sang veteran journalist nga si Philip Lustre Jr., nga si Atty. Mans Carpio ang nagpasaka sang cyberlibel complaint batok sa iya nga kliyente.
Suno kay De Leon, nakakuha ang ila nga law firm sang kopya sang impormasyon nga gin-file sa Regional Trial Court (RTC) sa Davao City, kun sa diin nakapresentar ang reklamo ni Carpio.
Nahibaluan nga nag-ugat ang reklamo bangud sa isa ka Facebook post nga gina-angot kay Lustre sadtong Marso 6, 2026, nga nakabutang:
“Sumuka si Mans Carpio ng P300-M sa operasyon ng Marines: P150-M kay Mike; P50-M kay Levi; at P5-M sa bawat isa sa 18 Marines?”
Una na nga ginkumpirma nga ni De Leon nga wala man nakahibalo si Lustre nahanungod sa kaso bag-o ini arestuhon.
