Nagapangabay ang Sugar Regulatory Administration (SRA) sa gobyerno nga hatagan sang mas manubo nga tax ang mga ilimnon nga lokal nga tubo ang ginagamit nga kalamay agud mabuligan ang mga mangunguma sa Pilipinas.
Suno kay SRA, dapat magpabilin sa P6 kada litro ang tax sa sweetened beverages.
Samtang, ang may artificial sweeteners ukon iban nga imported sweeteners, ang dapat dagdagan sang mas mataas nga tax.
Pahayag sang SRA, ang pagpanubon sang tax ang mahimo makapadasig sa mga kompanya nga maggamit sang lokal nga kalamay kag makasiguro sang padayon nga demand sa produkto sang mga mangunguma.
Matandaan nga nagpasaka ang Department of Finance (DOF), paagi sa ProGRESS bill, sang P20 kada litro ang tax sa mga matam-is nga ilimnon agud makadugang sang pondo para sa mga serbisyo publiko kag pag-uswag sang pungsod.
Apang, ginapahayag sang SRA nga makig-istorya ini sa DOF agud mapabilin sa P6 kada litro ukon gamay lamang ang pagsaka sang tax, samtang ginalikawan ang daku nga pagsaka sang presyo sang mga ilimnon para sa mga konsumidor.
