Ginbawian gid sang kabuhi ang isa ka bana matapos ginhatok-hatok buno sang iya asawa.
Natabo ang insidente sa sulod sang ila balay sa Brgy. Calanay, Aroroy, Masbate.
Ang biktima amo si alyas “Boyet”, 49-anyos samtang ang suspek amo si alyas “Eden”, 49-anyos.
Sa imbestigasyon sang otoridad, bag-o lang nag-abot sa ila balay ang suspek nga halin sa trabaho sa ila talamnan.
Nangayo ini sang tubig sa iya bana nga hubog sang amo nga tion, apang sa baylo nga hatagan, nagkuha sang bangko ang bana kag ginlampusan ang asawa.
Gintuyo pa sang bana nga lampusan sang tubo ang iya asawa apang didto na naghunos sang iya ginasukbit nga kutsilyo ang biktima kag ginbuno sang makapila ka beses ang iya bana.
Nag-surrender naman ang asawa sa mga brgy. officials nga amo ang nagturn-over sa iya sa kapulisan.
