Ginlunsyar sang Philippine National Police ang hotlines agud makabulig sa madasig nga pagpangita kay Senator Ronald ”Bato” Dela Rosa.
Suno kay PNP Public Information Office chief Col. Allen Rae Co, ang nasambit nga hotlines mangin taytay sang publiko para sa mga impormasyon sa ila mga nahibaluan agud maaresto ang pugante nga Senador.
Ginpaandaman naman ni Co ang mga prank callers nga ila pagapasakaan sang kaso ang mga ini.
Ginpasiguro ni Co nga may ara sila sang nagakaigo nga numero ukon pwersa sa pagpangita sa Senador.
Sa matandaan nga ulihi nga nakit-an ang senador sadtong bulan sang Mayo kag halin sadto wala na ini liwat pa nga nakapakita sa publiko.
Nahibaluan nga sa bulan sang Nobyembre, ma-isa na ka tuig nga ginpagwa sang International Criminal Court ang warrant of arrest batok sa Senador matapos malakip sa kaso nga crime against humanity sa away kontra droga ni anay President Rodrigo Duterte kun sa diin nagserbe siya bilang chief of police.
