Usisaon ni Batangas 2nd District Representative Gerville Luistro ang detalye sang reported 1.3 bilyon pesos budget insertion para sa iya nga distrito sa 2027 national budget nga gin-aprubahan sang Kamara.
Suno sa People’s Budget Coalition, kalakip ang distrito ni Luistro sa mga nakabaton sang pinakadako nga alokasyon para sa mga proyekto sang Department of Public Works and Highways (DPWH).
Samtang ginpahayag ni Luistro nga wala ini nagtambong sa proseso sa paghimo sang budget bangud busy ini bilang Lead prosecutor sang Kamara sa impeachment trial ni Vice President Sara Duterte.
Dugang pa sini, indi man makita sang talatapan sang DPWH Engineering sang iya distrito ang mga nasambit nga budget insertion.
Suno pa kay Luistro, magkapareho lamang ang nakabutang sa National Expenditure Program nga ginhanda sang Department of Budget and Management kag sa General Appropriations Bill nga ginpasa sang Kamara.
Bangud sini, iya na ginpahayag nga liwat sini nga busision ang mga detalye agud mahibaluan ang ginhalinan sang reported ₱1.3 bilyon nga pondo.
