May isa ka 67-anyos nga lola sa Colombia nga nag-manggaranon bangud sa iya pinasahi nga source of income.
Ini amo ang pagbaligya sang tsismis.
Suno kay Myriam, isa siya ka “professional tsismosa” bangud tanan nga sahi sang problema sang mga tawo sa iya palibot ang nahibaluan niya.
Ginpadayaw man niya nga accurate ang iya tsismis bangud nga ginatun-an niya ini sang maayo kag gina-cross check pa sa iban nga tawo.
Ang iya ginabaligya nga tsismis ang depende sa kadakuon sang detalye sini.
Kun ordinaryo lang, nagabalor ini sang 5,000 tubtob 10,000 Colombian pesos ukon yara sa P100 tubtob P200.
Apang kun nagaunod ini sang eskandalo, mas mahal ang presyo.
Kalabanan sa iya mga kliyente amo ang bana ukon asawa nga nagaduda sa ila mga partners.
Pahayag ni Myriam, bangud sa masupot man ang iya kinitaan, nakabakal na ini sang duwa ka mga balay.
