Masobra 100, 000 na ka mga pasahero ang na-record sang Philippine Coast Guard sa mga pantalan sa bilog nga pungsod subong nga adlaw sang Sabado, Oktubre 31, kadungan man sang pag-obserbar sang Pista Minatay 2026.
Base sa datos ang PCG, naglab-ot na sa masobra 60, 000 ang outbound passenger, samtang, masobra 50, 000 naman ang inbound passengers.
Nagpatigayon man ang ahensya sang inspection sa 216 ka mga barko kag masobra 72 ka mga motor banca.
Bangud sa ginalauman nga pagdamo sang mga pasahero, ginpaidalom na sang Philippine Coast Guard sa heightened alert ang tanan nga unit sa bilog nga pungsod.
Samtang, ginalauman naman sang Philippine Ports Authority nga magalab-ot sa 1.93 milyon ang mga pasahero nga magabyahe sa dagat subong nga weekend, mas mataas kun ikumpara sa 1.90 milyon sadtong 2025.
Liwat nga ginapabaskog sang mga awtoridad ang seguridad kag pagbantay sa mga pantalan agud nga masiguro ang seguridad sang mga naga-byahe subong nga Pista Minatay 2026.
