Ginpasiguro ni President Ferdinand Marcos Jr. nga tapuson ang programa sa pagpanagtag sang mga lupa sa idalom sang agrarian reform antes matapos ang iya nga termino sa 2028.
Ini agud sigurado na nga ginapanag-iyahan sang mga mangunguma ang ila ginatrabaho nga lupa.
Kadungan sang pagbisita ni Marcos sa Leyte kaupod kay Agrarian Reform Secretary Conrado Estrella III, personal nga nagtambong ang Presidente sa pagpanagtag sang 536 electronic land titles sa 508 ka benepisyaryo sa nagkalain-lain nga bahin sang Leyte kag Samar.
Ang mga titulo ang nahimo sa idalom sang SPLIT Project sang DAR nga nagalakip sa kabug-usan nga masobra 670 ka ektarya nga agricultural land.
Ginpunto sang Presidente ang kasaysayan sang programa nga gin-umpisahan pa sang iya amay nga si President Ferdinand E. Marcos Sr. nga sadto anay ang secretary amo si Conrado Estrella.
