Ginpahayag sang National Food Authority ukon NFA nga yara pa lang sa 22% tubtob 23% ang ila nabakal nga palay ikumpara sa masobra 700,000 metric tons nga amo ang target sini para sa tuig 2026.
Suno sa NFA, wala pa nakalab-ot sa duha ka milyon ka sako ang ila nabakal kag madamo pa sila nga dapat malab-ot nga targe antes matapos ang tuig.
Pahayag pa, isa sa mga rason sang mahinay nga pagbakal amo ang mabaskog nga ulan nga nagaapekto sa pag-ani kag pagpamala sang palay sang mga mangunguma.
Bangud man sa kakulang sang dryer, wala sang iban nga mahimo ang mga mangunguma kundi ibaligya gilayon ang ila basa nga palay sa mas barato nga presyo.
Ginpahayag man sang Department of Agriculture, agud nga masulosyanan ang nasambit nga problema sang mangunguma, nagpatuman ang ahensya sang mas mataas nga minimum buying price nga P21 kada kilo para sa wet palay sugod sa Setyembre.
Dugang pa, ginpasiguro man sang NFA nga indi maapektuhan ang rice buffer stock sang pungsod kag magalab-ot ini sa ginabulubanta walo ka adlaw nga supply.
