Naglapta ang cyberattacks sa pila ka supermarket sa nagkalain-lain nga bahin sang Europe, lakip na sa Sweden, Ireland, Netherlands kag Belgium, nga nag-atake sa mga sistema sang refrigerator kag freezer sang mga tindahan.
Ang ginapahayag nga pagpang-atake ang pagbag-o sang mga hacker sa temperatura sang mga freezer setting nga nagresulta sa pagsaka sini tubtob sa 50°C.
Bangud sini, nagkalaguba ang mga pagkaon lakip na dairy products, karne, kag iban pa nga frozen products.
Base sa mga reports, may mga supermarket nga napilitan nga ipanghaboy ang ila chilled kag frozen products bangud indi na ang mga ini mapuslan kag indi na pwede mabaligya.
Bangud ini na mapuslan ang mga frozen products, ginapahayag nga ginabulubanta naglab-ot sa 15,000 euro ukon masobra P1 milyon ang kaperdihan sang isa ka butcher sa Belgium.
Suno sa Centre for Cybersecurity sang Belgium, wala pa matumod kon sin-o ang responsable sa nasambit nga pagpang-atake kag posible nga indi na ini matumod.
Dugang pa, ginpabutyag sang mga opisyales sang Europa ang pagkabalaka sa nagadamo nga cyberattacks nga posible may kaangtanan sa mas nagadamo nga paggamit sang Artificial Intelligence ukon AI.
