Nagnubo sang 8.3 % ang kabilugan nga inventory sang bugas sa pungsod sang bulan sang Oktubre kumpara sa kapareho nga tion sang nagligad nga tuig 2025.
Base sa datos sang Philippine Statistics Authority ukon PSA, naka-record sang 2.16 million metric tons nga rice inventory ang pungsod, mas manubo sa 2.35 million metric tons sadtong Oktubre 2025.
Sa pihak sini, mas mataas ini sang 13.2% kun ikumpara sa 1.91 million metric tons nga na-record sadtong Setyembre.
Suno sa PSA, nagnubo sang 38% ang stocks sang bugas sang National Food Authority ukon NFA warehouses kag 15.3% naman nga halin sa kabalayan.
Samtang, nagtaas naman sang 12.6% ang imbentaryo sa commercial sector.
Dugang pa diri, nagnubo man ang produksyon sang palay kag mais sa third quarter sang tuig, kun sa diin lakip sa mga rason amo ang pagnubo sang naani kag epekto sang El Niño.
