Ginpahanumdom ni Senator-judge Panfilo Lacson sa mga testigo nga may gahum ang Senate Impeachment Court nga i-cite for contempt ang mga ini kun ila insultuhon ang proceedings.
Ini matapos ang naobserbahan nga pagkadlaw sang una nga defense witness sa impeachment trial ni Vice President Sara Duterte nga si Davao City Assessor Engr. Jaime Adalin, samtang ginapamangkot ini sang mga senator-judges.
Suno kay Lacson, indi niya luyag nga may iban pa nga testigo nga magpakita sang kaangay nga batasan sa korte.
Ginpaathag ni Lacson nga sa idalom sang Rule 5 sang Resolution No. 39, mahimo nga i-cite for contempt sang impeachment ang testigo nga magbinastos kag magpakita sang indi maayo nga aktwasyon.
