Nagpahanumdom ang Department of Labor and Employment (DOLE) sa mga private-sector employers nga ihatag ang 13th month pay sang ila mga empleyado antes ukon sa Disyembre 24, 2026.
Sa idalom sang Labor Advisory No. 21, Series of 2026, entitled ang mga empleyado sang dugang nga bayad, ano man ang ila posisyon, designation, ukon employment status.
Pahayag pa, kwalipikado man makabaton sang 13th month pay ang mga rank-and-file employees nga ginabayran kada obra ukon piece-rate, mga may fixed ukon guaranteed wage nga may commission, kag mga trabahador nga may madamo nga employers.
Lakip man ang mga nag-resign ukon gintapos ang serbisyo, pati ang mga nagpaidalom sa maternity leave kag nakabaton sang salary differential.
Pagpaathag pa sang ahensya, indi dapat ini magnubo sa katunga sang total basic salary sang empleyado sa sulod sang isa ka calendar year ang mabaton nga 13th month pay.
Dugang pa, dapat tumanon sang mga employer ang nasambit nga deadline agud masiguro nga mabaton sang mga trabahador ang benepisyo nga para sa ila.
