Nagapanguna ang banwa sang Estancia sa pinakadamo nga kaso sang dengue sa probinsya sang Iloilo.
Base sa datos, nagalab-ot na sa 535 ka mga kaso sang dengue lakip na ang 8 ka mga nagkalamatay sa amo nga banwa.
Sa interview sang Bombo Radyo kay Dr. Maria Socorro Quiñon, head sang Iloilo Provincial Health Office, iya ginpahayag nga wala gid sang pagnubo sang kaso sang dengue sa banwa halin Enero 4 tubtob Oktubre 31 2026 kag posible nga malapawan pa ang mga kaso sa nagligad nga mga tuig.
Suno sa iya, nagapanguna nga rason sang pagdamo sang kaso sang dengue amo ang indi maayo nga solid waste management sa nasambit nga banwa kag ang nagalapta nga mga basura ang nangin breeding site sang mga lamok.
Nahibaluan nga magluwas sa Estancia, mataas man ang kaso sang dengue sa Carles, Calinog, Dumangas kag Passi City.
Sa subong, naglab-ot na sa 5,151 ang kaso sang dengue sa bilog nga probinsya.
