Na-delay ang pila ka mga transportasyon kag pila ka government services sa Spain bangud sa natabo nga lapnagon nga protesta sa nasambit nga pungsod.
Ini ang labing una nga general strikes sa Spain sa sulod sang 14 ka tuig.
Ginapanawagan sang publiko ang problema sa ila nga housing programs kag ang mataas nga balaklon.
Pila sa lapnagon nga hublag-protesta ang ginpatigayon sa Madrid kag Barcelona.
Natabo ang ini nga protesta pila ka adlaw lamang bag-o ang parliamentary elections nga patigayunon sa Nobyembre 29.
Ginpahayag naman sang Spanish Confederation of Business Organisations nga wala sang tuman nga epekto ang nasambit nga hublag protesta kun sa diin nagapadayon sa gihapon ang ila nga negosyo.
Pila man ka protesters ang gin-aresto sang mga kapulisan ilabi na ang nagtinguha nga magsulod sa talatapan sang gobyerno.
