Malipayon nga ginpakigbahin ni Vice President Sara Duterte ang iya mga aktibidad sa pagpadulong sa Sara, Iloilo.
Nagkadto ini sa Sara Central Elementary School kag naghatag sang school bags nga may school supplies, dental kits, kag raincoats para sa mga estudyante.
Suno sa iya, mas nangin espesyal man ang adlaw subong bangud nagbasa ini sang istorya sa mga kabataan pinaagi sa libro nga may tigulo “Isang Kaibigan,” nga nagalaragway kun ano ang buot silingon sang pag-abyanay.
Nagtanom man ini sang mga puno sa sulod sang eskwelahan bilang kabahin sang iya programa nga “PagbaBAGo: A Million Trees Campaign,” nga may tinutuyo nga tipigan ang palibot.
Text by: Bombo Lynd-C Bade
