Nag-abot na diri sa Pilipinas ang abo sang Ilongga caregiver nga ginpatay sang Hamas militants sang gin-atake sini ang Israel sang Oktubre 7.
Ang biktima amo si Grace Prodigo Cabrera, 45, tumandok sang Barangay Burak, Maasin, Iloilo apang nakapamana sa Pampanga.
Photo: OWWA Region III
Mismo ang iya utod nga si Mary June Prodigo ang nagdala sang abo pabalik sa Pilipinas kun sa diin ginsugata naman ini sang government officials kag ni Israel Ambassador to the Philippines Ilan Fluss sa Ninoy Aquino International Airport (NAIA).
Gindala ang abo sini sa Apalit, Pampanga para sa tatlo ka adlaw nga haya.
Nahibaluan nga ika-apat si Cabrera sa kumpirmado nga mga Pinoy nga napatay sa pagpang-atake sang Hamas militants. Ang tatlo ka iban pa amo sanday Loreta Alacre, 49 nga Negrense; Angeline Aguirre, isa ka nurse nga taga-Pangasinan; kag Paul Vincent Castelvi, 42-anyos nga caregiver.
12 ka adlaw nga na-missing si Cabrera antes ini nasapwan sang Israeli rescuers nga nahal-id kag wala na sang kabuhi kaupod sa mga himata sang iya alaga.#
