Ginpanginwala sang legal counsel ni Sen. Loren Legarda ang nangin akusasyon ni Ombudsman Jesus Crispin Remulla.
Kasunod ini sang nangin pahayag ni Remulla nga daw kaangay nga wala na sang plano ang senadora nga magbalik sa Pilipinas matapos ini nga nagfile sang iya medical leave halin pa sang Agosto.
Suno kay Atty. Tony La Viña, wala sang ginhambal sa iya si Legarda nga wala na ini sang tinutuyo nga magbalik sa Pilipinas.
Ini ang sabat ni La Viña matapos man ang ginpakigbahin nga plano sang Ombudsman nga magpadulong sa France kun sa diin may ara sang mga reports nga yara ang senador kag didto man nagapanago ang pugante nga si former Ako Bicol party-list Rep. Zaldy Co.
Matandaan nga base kay Senate Secretary Renato Bantug, nagpa-extend si Legarda sang iya medical leave tubtob Setyembre 16.
